Allen: Mund të largohem nga muzika Këngëtarja britanike Lily Allen nuk është e sigurt nëse e ardhmja e saj qëndron në industrinë e muzikës. Allen, e cila po gëzon një sukses me albumin e dytë të saj “It's Not Me, It's You”, ka refuzuar të konfirmojë planet për një album të tretë, pasi ajo mund të zgjedhë një drejtim tjetër në karrierë brenda gjashtë muajsh. “Nuk mund t’ju them nëse do të bëj edhe një xhirim tjetër, pasi nuk e di nëse do të jem në këtë fushë brenda gjashtë muajsh. Jam një person që ‘e jetoj’ çdo ditë. Nuk kam ide se çfarë mund të ndodhë nesër”, ka thënë Allen. “Me siguri nuk mendoj një javë më pas ose një muaj. Sa më larg shkon e ardhmja, kam vetëm një plan të mjegullt të martohem dhe të kem fëmijë. Nuk jam aktivisht as duke kërkuar burrë”, ka shtuar këngëtarja.

Stanley: Këngët e grupit Kiss nuk vdesin kurrë Frontmeni i grupit legjendar "Kiss", Paul Stanley, është i bindur se rokerët veteranë kurrë ‘nuk do të lodhen’ duke i kënduar këngët e tyre të vjetra, sepse do të ishte shenjë mosrespektimi ndaj fansave të tyre po të mos këndonin hitet e tyre klasike. Hitbërësit e këngës “I Was Made For Lovong You Baby” u formuan në vitin 1972 dhe kanë shitur më shumë se 85 milionë albume anembanë botës gjatë karrierës së tyre të gjatë. “Këndimi i këngëve tona klasike vetëm sa na ka shtuar apetitin për të hyrë sërish në studio dhe për ta shndërruar atë në material të ri muzikor. Këngët tona më kanë kënaqur mua personalisht dhe i kanë bërë të lumtur shumë njerëz të tjerë. Do të ishte shenjë mosrespektimi të heqim dorë nga diçka që ka aq shumë rëndësi për neve dhe fansat”, ka thënë Stanley.